Hawa Peuneugeit Poma

Assalamu’alaikum tahiyah loen sapa

Keu wareih lingka yang tat seutia
Bicùt loen neuk peugah wahei syedara
Kaa lapan uroe raya loen hana lam desa

Meusyein lam hatei sabei tiep kutika
Neuk coem jaroe poma nibak ‘Idul Adha
Cukoep tat hawa leumang loen rasa
Peuneugeit poma makmeugang baroe saa

 

Do’a loen panjat keu Allah Ta’ala
Seumoga keluarga teutap Geujaga
Beujioh bala ngoen mara bahaya
Ya Allah ya tuhanku kamoe neujaga

Neumeudo’a keu loen bak Poe Ta’ala
Seumoga uloen beujeut aneuk meuguna
Cita-cita beusampo beujeut keu Ulama
Wahei eu poma loen yang tat meujasa

Lagei sang baroe ban loen jak u Mishra
Loen pasang tekad meski hana biaya
Hana loen takoet kureung biaya
Yang penteng loen niet dengoen useuha

Wahei syedara loen yang naa lam desa
Jak tameununtot ilmei agama
Beik gadoeh taduk ngoen tapeugah haba
Jinoe laju taberangkat beusigraa

Deungoen naa ilmei tanyoe akan jaya
Hana perlei kaya asai lapang dada
Seubab di dada punca sigala
Menyoe nyan aman yang laen diikot seureuta

Eih noe keuh mantong syae loen rika
Lam uroe raya meusyein keu keluarga
Menyoe naa salah loen neupeumeuah beuh syedara
Semoga geutanyoe meutamah iman lam dada

Amin

Kairo, 26 Oktober 2011